ՏԵՍԱՆՅՈՒԹ. Չիկագոյում խոշոր հանրահավաք է տեղի ունեցել. անկարգություններ են եղել
Չիկագոյում՝ ԱՄՆ-ի դեմոկրատների ազգային համագումարի ընթացքում, խոշոր հանրահավաք է տեղի ունեցել: Որոշ ցուցարարներ ճեղքել են «Միացյալ կենտրոն» մարզահրապարակի պարիսպը, որտեղ կազմակերպվել էր համագումարը։ Ոստիկանությունը հայտնել է անկարգությունների չորս մասնակիցների ձերբակալության մասին։ Ըստ իշխանությունների՝ տուժածներ չկան։
Ցուցարարները կոչ են արել հարգել ներգաղթյալների, փոքրամասնությունների և կանանց իրավունքները ամբողջ Միացյալ Նահանգներում, հայտնում է CBS-ը։ AP-ն գրում է, որ ցուցարարներից ոմանք հայտարարել են Գազայի հատվածում ռազմական գործողությունները դադարեցնելու և Իսրայելին աջակցությունից հրաժարվելու անհրաժեշտության մասին։ Fox News-ը հայտնում է, որ ցուցարարների բազմության մեջ տեսանելի է եղել պաղեստինյան ՀԱՄԱՍ շարժման դրոշը։
