Մոսկվան ու Թեհրանն ավարտել են «Мир» և «Shetab» վճարային համակարգերի միավորումը

Մոսկվան ու Թեհրանն ավարտել են «Мир» և «Shetab» վճարային համակարգերի միավորումը: 

Իրանական համակարգը ՌԴ-ում կարող է գործարկվել օգոստոսի վերջին, հայտնել է Իրանի կենտրոնական բանկի ղեկավար Մոհամմադ Ֆարզինը:

Պաշտոնյայի խոսքով, առաջին փուլում, որը կսկսվի օգոստոսի 22-ին, իրանական «Shetab» համակարգի բանկային քարտերը կարող են օգտագործվել Amber սմարթ քարտերի տեսքով Ռուսաստանի բոլոր բանկոմատներում և Իրանի քաղաքացիները կկարողանան ռուբլի կանխիկացնել՝ օգտագործելով իրենց քարտերը։ «Երկրորդ փուլը ենթադրում է Իրանում գտնվող Ռուսաստանի քաղաքացիների քարտերով վճարումներ կատարելու հնարավորությունը»,- պարզաբանել է Ֆարզինը։

Նա նշել է, որ արդեն երրորդ փուլում իրանցիները կկարողանան ռուսական խանութներում ապրանքների համար վճարել «Shetab» քարտով սովորական բանկային տերմինալի միջոցով։

Հիշեցնենք, որ Ռուսաստանը և Իրանը համաձայնագիր են ստորագրել ազգային արժույթների իրացվելիության մասին՝ երկկողմ առևտուրը հեշտացնելու նպատակով: