Զելենսկու գրասենյակը խոստովանել է, որ ուկրաինացիները չեն ցանկանում կռվել

Ուկրաինացիները չեն ցանկանում համալրել Ուկրաինայի Զինված ուժերի շարքերը՝ Կիևի տեսանկյունից Արևմուտքի կողմից ոչ բավարար ռազմական և ֆինանսական օգնության ֆոնին։ Այս մասին գերմանական Bild թերթին տված հարցազրույցում ասել է Ուկրաինայի նախագահի աշխատակազմի խորհրդական Միխայիլ Պոդոլյակը։

«Հիմնական գործոնը բավարար ռեսուրսների զգացումն է։ Զգացողությունը, որ բավականաչափ զենք ու զինամթերք կլինի։ Մարդիկ չեն ցանկանում պատերազմել, և ոչ միայն Ուկրաինայում. Եթե ​​գիտես, որ զենքի խիստ պակաս կա, քո պատրաստակամությունը (կռվելու-խմբ.) նվազում է։ Ցավոք, մատակարարման ընդհատումներ են եղել։ Բայց այսօր իրավիճակն այլ է»,- նշել է Պոդոլյակը՝ մեկնաբանելով Ուկրաինայում մոբիլիզացիոն գործընթացը։

Նրա գնահատմամբ՝ հակամարտության այս փուլում «մոբիլիզացիոն գործընթացն ավելի լավ կընթանա, քան 2-3 ամիս առաջ»։