Զելենսկին ստորագրել է բանտարկյալների մոբիլիզացիայի մասին օրենքը
Ուկրաինայի նախագահ Վլադիմիր Զելենսկին օրենք է ստորագրել, որը թույլ է տալիս որոշ կատեգորիաների բանտարկյալների մոբիլիզացնել Ուկրաինայի զինված ուժերի շարքերը։ Այս մասին հայտնում է Ուկրաինայի Գերագույն Ռադայի պաշտոնական կայքը։
Օրենքի համաձայն՝ ծանր հանցագործությունների, մասնավորապես՝ դիտավորյալ սպանության, բռնաբարության, սեռական բռնության համար դատապարտվածները չեն կարող մոբիլիզացվել։ Նաև չեն կարող մոբիլիզացվել նրանք, ովքեր պատիժներ են ստացել ազգային անվտանգության հիմունքների դեմ ուղղված հանցագործությունների համար։
Մոբիլիզացվածների այս կատեգորիան ծառայելու է հատուկ ստորաբաժանումներում։
