![ԱՄՆ-ը հայտարարել է, որ Իսրայելին որոշակի տեսակի զենք չի մատակարարի, եթե վերջինս ներխուժի Ռաֆահ](https://auroranews.am/storage/img/base_image/2024-05-13/664269e3c5059.webp)
ԱՄՆ-ը հայտարարել է, որ Իսրայելին որոշակի տեսակի զենք չի մատակարարի, եթե վերջինս ներխուժի Ռաֆահ
![ԱՄՆ-ը հայտարարել է, որ Իսրայելին որոշակի տեսակի զենք չի մատակարարի, եթե վերջինս ներխուժի Ռաֆահ](https://auroranews.am/storage/img/base_image/2024-05-13/664269e3c5059.webp)
Միացյալ Նահանգները որոշակի տեսակի հարձակողական սպառազինություն չի մատակարարի Իսրայելին, եթե նա խոշոր ցամաքային գործողություն իրականացնի Գազայի հատվածի հարավում գտնվող Ռաֆահ քաղաքում։ Այս մասին լրագրողների հետ ճեպազրույցում հաստատել է ԱՄՆ ազգային անվտանգության օգնական Ջեյք Սալիվանը։
«ԱՄՆ նախագահ Ջո Բայդենը հասկացրել է, որ նման գործողության դեպքում որոշակի հարձակողական զինատեսակներ չի մատակարարի»,- ընդգծել է ամերիկացի առաջնորդի խորհրդականը։
Միևնույն ժամանակ նա կրկնել է, որ Իսրայելի ներխուժումը Ռաֆահ, Վաշինգտոնի կարծիքով, սխալ է։
«Մենք դեռ կարծում ենք, որ սխալ է մեծ ռազմական գործողություն սկսելը Ռաֆահի սրտում, որը վտանգի տակ կդնի մեծ թվով խաղաղ բնակիչների կյանքը», – ասել է Սալիվանը: