Հայտնի է՝ ով է փոխարինել գեներալ Սուրովիկինին

Օդատիեզերական պաշտպանության ուժերի գլխավոր հրամանատարի պաշտոնակատար է նշանակվել այդ ուժերի շտաբի պետ գեներալ Վիկտոր Աֆզալովը։ Այս մասին հաղորդում է ռուսական «Ռիա Նովոստի» պետական գործակալությունը, վկայակոչելով իր աղբյուրները։

«Ռուսաստանի օդատիեզերական ուժերի նախկին գլխավոր հրամանատար Սերգեյ Սուրովիկինն այժմ ազատվել է զբաղեցրած պաշտոնից, Օդատիեզերական պաշտպանության ուժերի գլխավոր հրամանատարի պարտականությունները ժամանակավորապես կատարում է այդ ուժերի շտաբի պետ գեներալ Վիկտոր Աֆզալովը»,- լրատվամիջոցին ասել է աղբյուրը։

Նա փոխարինել է գեներալ Սերգեյ Սուրովիկինին, ով հունիսից ի վեր, «Վագներ»-ի ղեկավար Եվգենի Պրիգոժինի խռովությունից հետո, հանրությանը չի երևացել։

Հիշեցնենք՝ ավելի վաղ հայտնել էինք, որ ռուս գեներալ Սուրովիկինն ազատվել է աշխստանքից։