Լաչինի միջանցքում ազատ տեղաշարժը պետք է երաշխավորված լինի. Չեխիայի ԱԳՆ ղեկավար
Լաչինի միջանցքում տեղաշարժի ազատությունը պետք է երաշխավորված լինի: Այս մասին ՀՀ ԱԳՆ ղեկավար Արարատ Միրզոյանի հետ հեռախոսազրույցում հայտնել է Չեխիայի արտգործնախարար Յան Լիպավսկին:
«Մտահոգություն հայտնեցի Լաչինի միջանցքի շրջափակման հետևանքով առաջացած հումանիտար իրավիճակի կապակցությամբ։ Այնտեղ անվտանգությունն ու տեղաշարժի ազատությունը պետք է երաշխավորված լինեն։ Անհրաժեշտ է երկխոսություն ներգրավված կողմերի միջև»,- նշել է Լիպավսկին թվիթերյան իր էջում:
