ՏԵՍԱՆՅՈՒԹ․ Մոսկվայի մարզի երկնքում 2 ԱԹՍ է ոչնչացվել

Ռուսաստանի պաշտպանության նախարարությունը հայտարարել է Մոսկվայի մարզի երկնքում խոցված երկու ուկրաինական անօդաչու թռչող սարքերի մասին: Առաջին դրոնը հայտնաբերվել է Մոսկվայի ժամանակով ժամը 6:50-ի սահմաններում: Այս մասին ասվում է ռազմական գերատեսչության Telegram ալիքում:

Անօդաչուն «ճնշվել է ռադիոէլեկտրոնային պայքարի միջոցներով», կորցրել կառավարումը և ընկել Ռուզսկի շրջանի Պոկրովսկոյե գյուղի շրջանում, նշել են նախարարությունում: Հարձակման հետևանքով տուժածներ չկան։ Պաշտպանության նախարարությունը չի հստակեցրել, թե արդյոք ավերածություններ կան ընկած անօդաչու թռչող սարքի պատճառով:

Երկրորդ հարձակումը կանխվել է Մոսկվայի ժամանակով 8:16-ին:

«ՀՕՊ հերթապահ ուժերի կողմից ուկրաինական անօդաչու թռչող սարքը ժամանակին հայտնաբերվել և ոչնչացվել է Մոսկվայի մարզի Իստրինսկի շրջանի տարածքում», — հայտարարել են պաշտպանության նախարարությունում:

Հիշեցնենք, որ մայրաքաղաքի օդանավակայաններում սահմանափակումներ էին մտցվել չվերթների ընդունման և մեկնման համար, այժմ օդանավակայաններն աշխատում են բնականոն ռեժիմով: