ՏԵՍԱՆՅՈՒԹ․ Լոս Անջելեսի հայերը բողոքի ակցիան են իրականացնում Ադրբեջանի հյուպատոսության դիմաց
Լոսանջելոսաբնակ հայերն ի պաշտպանություն Արցախի ակցիան այսօր շարունակել են Ադրբեջանի հյուպատոսության դիմաց։ Արթուր Սահակյան օգտատերն իր ֆեյսբուքյան ուղիղ եթերի միջոցով ներկայացնում է, թե ինչ է կատարվում այնտեղ։
Ինչպես երևում է տեսանյութում, բազմամարդ ակցիայի մասնակիցները նաև հայրենասիրական երգեր են երգել ու պարել` Արցախի դրոշն ուսերին գցած։
Նշենք՝ ավելի վաղ հայտնել էինք, որ ամերիկահայերը մի քանի օր շարունակ անհնազանդության խաղաղ ակցիա են իրականացնում ի աջակցություն Արցախի: Նրանք փողոցներ են փակել, ինչպես նաև նստացույց արել Շիֆի գրասենյակի մոտ` կոչ անելով նրան մեկնել Հայաստան` Կոռնիձոր, այնուհետև գնալ նաև Լաչինի միջանցք` տեղում ծանոթանալու իրավիճակին։ Օգոստոսի 11-ին հայտնի դարձավ, որ Շիֆը համաձայնել է հանդիպել բողոքի ակցիա անող ամերիկահայերի հետ։
Հիշեցնենք` hուլիսի 26-ին առաջին անհրաժեշտության շուրջ 400 տոննա ապրանքով բեռնված 19 բեռնատար Երևանից ուղևորվեցին շրջափակման մեջ գտնվող Արցախ։ Բեռնատարները հասել են Սյունիքի Կոռնիձոր համայնք և մինչ օրս կանգնած են Լաչինի միջանցքի սահմանին։
