ՏԵՍԱՆՅՈՒԹ. Ձկնորսները փրկել են ափում հայտնված սպիտակ կետերի ընտանիքին. Կամչատկա
Կամչատկայում ձկնորսները փրկել են ափում հայտնված սպիտակ կետերի ընտանիքին: Այս մասին հայտնում են տեղի լրատվամիջոցները:
Կամչատկայի բնակիչները ձկնորսությունից վերադառնալիս են եղել, երբ տեսել են դժվարությունների մեջ հայտնված կենդանիներին։ Չորս չափահաս բելուգա կետեր և մեկ փոքրիկ մակընթացության ժամանակ հայտնվել են թակարդում` Տիգիլ գետի գետաբերանում:
Լրատվամիջոցները հայտնում են, որ նրանք ողբալի ձայներ են հանել. կարծես օգնություն էին խնդրում։
Ձկնորսների շնորհիվ բելուգաները կարողացել են դիմանալ մինչև ուժեղ ալիքը և վերադառնալ Օխոտսկի ծով: Հավելենք, որ մարզային իշխանությունները ձկնորսների համար շնորհակալագրեր են պատրաստում։
