Ահազանգ ռումբի մասին․ Էյֆելյան աշտարակի աշխատակիցներն ու այցելուները տարհանվել են
Ռումբի մասին ահազանգից հետո Փարիզի Էյֆելյան աշտարակի աշխատակիցներն ու այցելուները տարհանվել են: Տեղեկությունը հայտնում է ՌԻԱ Նովոստին` հղում անելով BFMTV հեռուստաալիքին։
«Էյֆելյան աշտարակի երեք հարկերից ու հարակից տարածքից մարդիկ տարհանվել են ռումբի մասին հաղորդագրություն ստանալուց հետո», - տեղեկացնում է հեռուստաալիքը:
Թե ով է ահազանգել ռումբի մասին, դեռ հայտնի չէ։ Ռումբի առկայությունը ստուգելու համար դեպքի վայր են մեկնել սակրավորները։
