«Էմմի» 75-րդ հեռուստատեսային մրցանակաբաշխությունը հետաձգվում է․ հայտնի է պատճառը

«Էմմի» 75-րդ հեռուստատեսային մրցանակաբաշխությունը, որը պետք է կայանար սեպտեմբերի 18-ին, հետաձգվել է մինչև 2024 թվականի հունվարի 15՝ Հոլիվուդում դերասանների և գրողների գործադուլի պատճառով։ Այս մասին հայտնում է Associated Press-ը։ 

Ըստ աղբյուրի՝ Fox հեռուստաալիքը արարողությունը կհեռարձակի խաղաղօվկիանոսյան ժամանակով ժամը 17:00-ից մինչև 20:00-ը (Երեւանի ժամանակով ժամը 06:00-ից մինչեւ 09:00-ն): 

ՀԻշեցնենք, որ «Էմմի»  մրցանակաբաշխությունը հետաձգվում է առաջին անգամ 2001 թվականից ի վեր, երբ միջոցառումը հետաձգվեց սեպտեմբերի 11-ի ահաբեկչությունների և հոկտեմբերի 7-ին Աֆղանստանում ԱՄՆ ռազմական գործողության մեկնարկի պատճառով: