20 բջջային հեռախոս, 8 զույգ ականջակալ և այլ արգելված իրեր՝ կալանավորված անձին բերված սառնարանում

Օգոստոսի 2-ին՝ ժամը 16:15-ի սահմաններում, Հայաստանի Հանրապետության արդարադատության նախարարության «Նուբարաշեն» քրեակատարողական հիմնարկի օպերատիվ և անվտանգության ապահովման բաժնի ծառայողները, իրացնելով ստացված օպերատիվ տեղեկությունները, զննության են ենթարկել կալանավորված անձ Ա. Ս.-ի անվամբ քաղաքացի Ն. Դ.-ի կողմից բերված սառնարանը:

Զննության արդյունքում սառցարանի դռան մեջ նախապես պատրաստված թաքստոցից հայտնաբերվել են 20 բջջային հեռախոս, 2 լիցքավորիչ՝ իրենց լարերով, 8 USB լար, 1 wi-fi սարք և 8 զույգ ականջակալ:

Քաղաքացի Ն. Դ.-ն բանավոր հայտարարել է, որ արգելված իրերով սառնարանը բերել է հիմնարկ կալանավորված անձ Ա. Ս.-ին փոխանցելու նպատակով: Դեպքի առթիվ նախաձեռնվել է վարչական վարույթ:

[eb3b885a7cb2ecc798da3711db975c7b.jpg]

[64506bc036d2f268b9b4b8e9f1969f95.jpg]

[5be91bb193faab5162ed40c70d51d78c.jpg]

[f8a8b742fc2794edfa96c7205952ca3b.jpg]

[46289ebc4fd28b5759c1ee88f0d04b2b.jpg]