Խոշոր խաղացողների հետաքրքրությունը մեր տարածաշրջանի նկատմամբ նվազել է․ Նիկոլ Փաշինյան
Խաղաղությունը ոչ միայն հնարավոր է, այլև անհրաժեշտ։ Այս մասին ասել է Նիկոլ Փաշինյանը Euronews-ին տված հարցազրույցում։
Սա իմ համոզմունքն է, իմ դիրքորոշումը։ Սա այն է, ինչին ես հավատում եմ: Բայց որպեսզի դա տեղի ունենա, կարևոր է, որ միջազգային հանրությունը հասկանա կարևոր նրբերանգները, և թե ինչու մենք արագ տեմպերով առաջ չենք գնում։ Թույլ տվեք վերադառնալ Բրյուսելում մեր նախավերջին հանդիպմանը, որին մասնակցել է Եվրոպական խորհրդի նախագահ Շառլ Միշելը։ Հետո ես ու Ադրբեջանի նախագահը պայմանավորվեցինք, ավելի ճիշտ՝ հասկացանք, որ Հայաստանն ու Ադրբեջանը ճանաչում են միմյանց տարածքային ամբողջականությունը. Հայաստանի տարածքը 29800 կմ² է, Ադրբեջանի տարածքը՝ 86600 կմ²։ Տարածքային ամբողջականության փոխադարձ ճանաչում. Մինչ այժմ Ադրբեջանի նախագահը հրապարակայնորեն չի հաստատել մեր համաձայնությունը, բայց նա էլ դա չհերքեց։ Սա դետալ է, որը չի նպաստում վստահության մթնոլորտ ստեղծելուն։
Նա նաև խոսել է ԵԱՀԿ Մինսկի խմբի աշխատանքի մասին; Ըստ վարչապետի ստեղծվել է Լեռնային Ղարաբաղի հակամարտության կարգավորման համար, սակայն 2022 թվականի փետրվարի 24-ից խմբի համանախագահները պարզապես դադարեցրել են փոխգործակցությունը։ Որոշ երկրներ որոշել են, որ այլևս չեն ցանկանում շփվել գործընթացի մյուս մասնակիցների հետ․ ահա այստեղից էլ գալիս ե մնացած բոլոր խնդիրները։
Վարչապետը հավելել է, որ Ուկրաինայում տեղի ունեցող իրադարձությունների պատճառով ոչ միայն Ռուսաստանի, այլ նաև աշխարհաքաղաքական այլ խոշոր խաղացողների հետաքրքրությունը մեր տարածաշրջանի նկատմամբ նվազել է, քանի որ գործնականում միջազգային հանրության ողջ ուշադրությունը կենտրոնացած է Ուկրաինայի վրա։
