Հարձակման փորձ Ղրիմի արևելքում․ ներգրավված է եղել 28 ԱԹՍ
Ղրիմի արևելքի ուղղությամբ փորձել են հարձակվել 28 անօդաչու թռչող սարքեր։ Այս մասին հայտնել է Ղրիմի ղեկավար Սերգեյ Ակսյոնովը։
Նա նշել է, որ ՀՕՊ և ռադիո-էլեկտրոնային պատերազմի համակարգերը հետ են մղել անօդաչու սարքերի հարձակումը Ղրիմի արևելքում։ Նրա խոսքով՝ ինը ԱԹՍ խոցվել է հակաօդային պաշտպանության համակարգի կողմից, 19-ը՝ ճնշվել ռադիո-էլեկտրոնային պատերազմի համակարգերի միջոցով։
Ակսենովը Telegram-ում գրել է, որ ոչ ոք չի տուժել։ Ավերածությունների մասին տեղեկություն չի նշվում։ Շրջանի ղեկավարը չի հստակեցնում նաեւ, թե որ օբյեկտների վրա են փորձել հարձակվել անօդաչու սարքերով։ Թերակղզու արեւելքում գտնվում է Ղրիմի կամուրջը, որը նախօրեին՝ հուլիսի 17-ին, մասամբ ավերվել էր վերգետնյա անօդաչու սարքերի կողմից։
