ՏԵՍԱՆՅՈՒԹ. Սևաստոպոլում 9 անօդաչու է խոցվել
Ռուսական նավատորմը ՀՕՊ ուժերի հետ համատեղ այս գիշեր հետ է մղել Սևաստոպոլի վրա հակառակորդի անօդաչուներով հարձակումը։ Այս մասին հայտնել է նահանգապետ Միխայիլ Ռազվոժաևը։ Նրա խոսքով՝ ծովի վրա խոցել է մեկ անօդաչու, ևս հինգը ճնշվել է ՌԷՊ ուժերի կողմից։
«Հարձակումը զանգվածային էր և երկարատև: Ո՛չ քաղաքում, ո՛չ ջրային տարածքում ոչ մի օբյեկտ չի տուժել։ Մեր զինվորականները վստահորեն եւ հանգիստ հետ են մղել թշնամու հարձակումը։ Հիմա քաղաքում ամեն ինչ հանգիստ է»,-ասել է նա։
Սևաստոպոլի ծոցում լաստանավերի և նավակների շարժը ժամանակավորապես դադարեցվել է։
ՌԴ ՊՆ-ն էլ հայտարարել էր Սևաստոպոլում յոթ անօդաչուների և երկու մոտարանավի հարձակման Կիևի փորձը կանխելու մասին։
«Սև ծովի ջրատարածքի վրա ուկրաինական երկու անօդաչու է ոչնչացվել՝ ափամերձ գծից մեծ հեռավորության վրա։ Եվս հինգ անօդաչու ճնշվել է ՌԷՊ-ի միջոցով։ Կանխված ահաբեկչական հարձակման հետեւանքով տուժածներ և ավերածություններ չկան»,-ասվում է հաղորդագրության մեջ։
