![Ուկրաինայի ԶՈՒ-ն հակահարձակում է իրականացնում Մելիտոպոլի և Բերդյանսկի ուղղություններում․ գլխավոր շտաբ](https://auroranews.am/storage/img/base_image/old/594b98474c9ee2db2d7090652de77c38.webp)
Ուկրաինայի ԶՈՒ-ն հակահարձակում է իրականացնում Մելիտոպոլի և Բերդյանսկի ուղղություններում․ գլխավոր շտաբ
![Ուկրաինայի ԶՈՒ-ն հակահարձակում է իրականացնում Մելիտոպոլի և Բերդյանսկի ուղղություններում․ գլխավոր շտաբ](https://auroranews.am/storage/img/base_image/old/594b98474c9ee2db2d7090652de77c38.webp)
Ուկրաինայի պաշտպանության ուժերը հակահարձակում են իրականացնում Մելիտոպոլի և Բերդյանսկի ուղղություններում՝ հայտնել է երկրի ԶՈՒ գլխավոր շտաբը։ Հաղորդվում է՝ ուկրաինացի զինվորները համառորեն զսպում են ռուսական հարձակման փորձերը:
«Ռուսաստանի ուժերը հիմնականում կենտրոնացած են Կուպյանսկի, Լիմանի, Բախմուտի, Ավդեևկայի և Մարյինկայի ուղղությամբ, թեժ մարտերը շարունակվում են։ Մեկ օրում ընդհանուր առմամբ, 32 բախում է գրանցվել»,- ասված է հաղորդագրության մեջ։
Նշվում է, որ Զապորոժիեի և Խերսոնի ուղղությամբ ռուսական կողմը փորձում է կանխել ուկրաինական զորքերի առաջխաղացումը, իսկ Բախմուտում ուկրաինական ուժերն առաջխաղացում ունեն: Ուկրաինական կողմը հայտնում է, որ ռուսական ուժերը թիրախավորել են մի շարք բնակավայրեր, ինչի հետևանքով կան ավերածություններ: