Գերմանիայի պաշտպանության նախարար Բորիս Պիստորիուսը հաստատել է, որ երկիրը հրաժարվել է Ուկրաինային գերմանական Taurus թևավոր հրթիռներ մատակարարել։ 

«Եթե դա արվում է առանձին գործընկերների կողմից, դա նրանց ինքնիշխան որոշումն է։ Մենք մտադիր չենք փոխել մեր դիրքորոշումը»,- ասել է Պիստորիուսը Վիլնյուսում ՆԱՏՕ-ի գագաթնաժողովի շրջանակում։

Հուլիսին Գերմանիայի կանցլեր Օլաֆ Շոլցը, պատասխանելով Ուկրաինա Taurus հեռահար թևավոր հրթիռների հնարավոր մատակարարումների մասին հարցին, ասել էր, որ երկիրը չի ցանկանում զենք փոխանցել, որը կարող է օգտագործվել Ռուսաստանի տարածքը հարվածելու համար։