Լավրովը մեկնաբանել է Ռուսաստանում զինված ապստամբության փորձը

ՌԴ ԱԳ նախարար Սերգեյ Լավրովը մամուլի ասուլիսի ժամանակ ասել է, որ Ռուսաստանը պարտավոր չէ որևէ մեկին որևէ բան բացատրել ապստամբության փորձի վերաբերյալ։ Այս մասին հայտնում է РИА Новости-ն։

Լավրովի խոսքով՝ Ռուսաստանի ղեկավարությունը գործում է «թափանցիկ», ուստի պարտավոր չէ որեւէ երաշխիք տալ։

«Նախագահը խոսել է այս թեմայով, մեր երկրի բոլոր քաղաքական ուժերը խոսել են  այս թեմայով։ Եթե ​​ինչ-որ մեկն Արևմուտքում կասկածներ ունի, լավ, դրանք ձեր խնդիրներն են»,- ասել է Լավրովը:

Հիշեցնենք` հունիսի 24-ի գիշերը «Վագներ»-ի մարտիկները գրավել էին Դոնի Ռոստովում գտնվող Հարավային ռազմական օկրուգի շտաբը։  ՌԴ նախագահ Վլադիմիր Պուտինը վագներականների գործողություններն անվանել էր «հանցավոր արկածախնդրություն»: