Թուրքիան և Ադրբեջանը կրկին զորավարժություններ են անցկացնում
Թուրք և ադրբեջանցի զինծառայողներն Ադրբեջանի տարածքում համատեղ զորավարժություններ են անցկացնում: Ըստ ադրբեջանական ԶԼՄ-ների՝
Ադրբեջանի պաշտպանության նախարարությունը հայտարարել է, թե հաստատված պլանի համաձայն՝ Ադրբեջանի ռազմաօդային ուժերի և Թուրքիայի զինված ուժերի զինծառայողների մասնակցությամբ անցկացվում են «Alpan-2023» համատեղ զորավարժություններ։
Ադրբեջանում անցկացվող զորավարժությունների սցենարի համաձայն՝ ավիացիոն միջոցները, թռիչքներ կատարելով բազավորման օդանավակայաններից, կատարել են ՀՕՊ միջոցների, հրամանատարական կառավարման կետերի և պայմանական հակառակորդի կենտրոնացման օբյեկտների հեռահար և մոտ տարածություններում խոցման առաջադրանքները:
Զորավարժությունների նպատակն է կատարելագործել անձնակազմերի տեսական և գործնական հմտությունները, խթանել ստորաբաժանումների փոխգործակցությունը և բարձրացնել մարտունակությունը:
