ԱՄՆ-ի և Իրանի միջև միջուկային ծրագրի շուրջ համաձայնություններ չկան․ Բլինքեն
ԱՄՆ-ի և Իրանի միջև միջուկային ծրագրի շուրջ համաձայնություններ չկան։ Սինգապուրում կայացած մամուլի ասուլիսին հայտարարել է ԱՄՆ պետքարտուղար Էնթոնի Բլինքենը։
«Մենք հավատարիմ ենք երաշխավորելու, որ Իրանը երբեք միջուկային զենք ձեռք չի բերի, դա կանխելու լավագույն միջոցը դիվանագիտությունն է, բայց մենք չենք հրաժարվում ոչ մի տարբերակից»,- ասել է պետքարտուղարը։
Միաժամանակ նա ընդգծել է, որ հաճույքով կխոսեր համաձայնությունների ձեռքբերման մասին, սակայն «դրանք չկան»։
«Մենք շարունակում ենք ակտիվորեն աշխատել դրա վրա կանոնավոր հիմունքներով, սա առանձին ուղի է միջուկային ոլորտում ցանկացած քննարկումներից»,- հավելել է Բլինքենը:
