Պեսկովը մեկնաբանել է Լուկաշենկոյի հայտարարությունը

ՌԴ նախագահի մամուլի քարտուղար Դմիտրի Պեսկովը մեկնաբանել է Բելառուսի նախագահ Ալեքսանդր Լուկաշենկոյի հայտարարությունը, թե 2022 թվականի գարնանը Ռուսաստանը և Ուկրաինան քննարկել են Ղրիմի վարձակալության հարցը Ստամբուլի պայմանագրի նախագծի շրջանակներում։

Պեսկովը լրագրողներին ասել է, որ Ղրիմի վարձակալության հնարավորությունը երկու պատվիրակությունների կողմից չի քննարկվել։

«Ղրիմը ռուսական տարածաշրջան է, այն ոչ ոք չի կարող վարձակալել»,- ասել է Կրեմլի ներկայացուցիչը։

Հիշեցնենք` Լուկաշենկոն ասել է, որ Ռուսաստանը ցանկանում էր վարձակալել Ղրիմը: