ՏԵՍԱՆՅՈՒԹ․ Ինչ թղթեր էին այրվում Ծիծեռնակաբերդի այգում․ Հայոց Ցեղասպանության թանգարանը՝ աղմկահարույց տեսակադրերի մասին
«Հայոց ցեղասպանության թանգարան-ինստիտուտ» հիմնադրամը (ՀՑԹԻ) տեղեկացնում է, որ այսօր համացանցում տարածված տեսանյութում երևացող արկղերում առկա թղթերը ՀՑԹԻ-ի տարբեր տարիներին կազմակերպած ցուցադրությունների, գիտաժողովների, դասախոսությունների աշխատանքային կրկնօրինակների սևագրերն են: Այս մասին տեղեկացնում են «Հայոց ցեղասպանության թանգարան-ինստիտուտ» հիմնադրամից:
«Առաջիկայում ՀՑԹԻ-ն հանդես կգա տեսանյութի հեղինակին ուղղված հերքման պահանջով, իսկ նյութը տարածողներին հորդորում ենք չճշտված տեղեկատվություն չտարածել»,- նշվում է հաղորդագրությունում:
Ավելի վաղ համացանցում տեսանյութ էր տարածվել, որում երևում էր, որ Ծիծեռնակաբերդի այգում Հայոց Ցեղասպանության թանգարանի մոտ տարբեր թղթեր էին այրում:
