Այս պահին անհնարին է Ուկրաինայում խաղաղության հասնել. ՄԱԿ-ի գլխավոր քարտուղար
El Pais-ին տված հարցազրույցում ՄԱԿ-ի գլխավոր քարտուղար Անտոնիո Գուտերեշը նշել է, որ այս պահին Ուկրաինայում անհնար է հասնել խաղաղության:
«Այս պահին ես չեմ տեսնում խաղաղության անհապաղ ձեռքբերման հնարավորություն, մենք չենք խոսում ապագայի մասին՝ գլոբալ հրադադարի, խաղաղության բանակցությունների մասին»,- ասել է նա։
Քարտուղարն ընդգծել է, որ երկու կողմի հետ էլ կա երկխոսություն՝ կոնկրետ խնդիրների լուծման համար։
Այս առումով, նրա խոսքով, կարևոր ձեռքբերում էր Ուկրաինայից հացահատիկի, իսկ Սև ծովով Ռուսաստանից սննդամթերքի ու պարարտանյութի արտահանումը։
