ԵԽԽՎ-ն ցեղասպանություն է անվանել ուկրաինացի երեխաների տեղափոխումը Ռուսաստան
Ուկրաինացի երեխաներին Ռուսաստանի տարածք բռնի տեղափոխելու պրակտիկան համապատասխանում է ցեղասպանության միջազգային սահմանմանը։ Այս մասին նշվում է Եվրախորհրդի խորհրդարանական վեհաժողովի ապրիլի 27-ին ընդունած բանաձեւում։
Փաստաթղթի համաձայն, կան ապացույցներ, որ արտաքսված երեխաներին սպառնում է «ռուսացման» գործընթաց՝ մասնավորապես, նրանց վերապատրաստում են ռուսերեն կամ արգելում խոսել ուկրաիներեն։
ԵԽԽՎ բանաձեւում նշվում է, որ ուկրաինացի երեխաների տեղափոխումն ակնհայտորեն Ռուսաստանի Դաշնության պետական քաղաքականության մաս է կազմում։ Այդ շարժերի նպատակը, կարծում են փաստաթղթի հեղինակները, «ոչնչացնելն է նրանց ուկրաինական ինքնության բոլոր կապերն ու առանձնահատկությունները»։
Բանաձևը ողջունում է նաև Հաագայի Միջազգային քրեական դատարանի որոշումը՝ Ռուսաստանի նախագահ Վլադիմիր Պուտինի և երեխաների օմբուդսմեն Մարիա Լվովա-Բելովայի ձերբակալության օրդեր տալու մասին։
Ինչպես նշում է РБК-Украина-ն, սա պատերազմի սկզբից ի վեր առաջին միջազգային փաստաթուղթն է, որտեղ ուկրաինացի երեխաների բռնի դուրս բերումը օկուպացված տարածքներից ուղղակիորեն կոչվում է ցեղասպանություն։
