Էրդողանի վարչակազմը հերքում է, թե թուրք առաջնորդը սրտի կաթված է ստացել
Ռեջեփ Թայիփ Էրդողանի վարչակազմը հերքում է այն տեղեկությունը, թե նա սրտի կաթված է ստացել։ Այս հայտարարությունն արվել է Թուրքիայի ղեկավարի վարչակազմի ապատեղեկատվության դեմ պայքարի կենտրոնում։
«Այն պնդումները, թե նախագահը սրտի կաթված է ստացել և հոսպիտալացվել է, իրականությանը չեն համապատասխանում։ Երկրի ղեկավարը կմասնակցի «Ակկույու» ատոմակայանում վառելիքի առաջին բեռնման արարողությանը, որը կանցկացվի հինգշաբթի՝ ուղիղ եթերի միջոցով»,- կենտրոնից հայտնել են Twitter-ում։
Թուրքիայի փոխնախագահ Ֆուաթ Օքթայն իր հերթին ասել է, որ Ռեջեփ Թայիփ Էրդողանը «թեթև մրսած է»։
Թուրք առաջնորդը բժիշկների խորհրդով բաց է թողել քարոզարշավի մի քանի միջոցառում։
Ավելի վաղ ուղիղ եթերի ժամանակ Ռեջեփ Թայիփ Էրդողանն իրեն վատ է զգացել։
