Կիևը չի գնա տարածքային փոխզիջումների՝ հանուն խաղաղության․ Զելենսկի
Ուկրաինայի նախագահ Վլադիմիր Զելենսկին Չինաստանի նախագահ Սի Ծինփինի հետ հեռախոսազրույցից հետո ասել է, որ Կիևը տարածքային փոխզիջումների չի գնա խաղաղության հասնելու համար։ Այս մասին գրում է RT-ն՝ նշելով, որ համապատասխան հայտարարությունը տարածվել է ուկրաինացի առաջնորդի թելեգրամյան ալիքում։
«Չի կարող լինել խաղաղություն տարածքային փոխզիջումների հաշվին», - պնդում է Զելենսկին։
Նա նաեւ հայտարարել է, որ, ըստ Կիևի, Ուկրաինայի տարածքային ամբողջականությունը պետք է վերականգնվի 1991 թվականի սահմաններում։
Ավելի վաղ Ուկրաինայի նախագահի մամուլի քարտուղար Սերխի Նիկիֆորովը հայտարարել էր, որ Կիևի և Պեկինի խաղաղության ծրագրերը ընդհանուր եզրեր են գտել։ Նա պարզաբանել է, որ Կիևն ու Պեկինը նույն կարծիքն ունեն միջուկային զենքի չկիրառման և դրանց չտարածման հարցում։
Հիշեցնենք, որ Սի Ծինփինն այսօր հեռախոսազրույց է ունեցել Զելենսկու հետ։
