Արևմուտքի քաղաքականությունը հանգեցրեց Ուկրաինայի կողմից միջուկային զենքի կորստի․ Պոդոլյակ
Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը մեղադրել է ԱՄՆ-ին և արևմտյան երկրներին Ուկրաինայի միջուկային զենքի կորստի պատճառ դառնալու մեջ։ Այս մասին նա գրել է Twitter-ում։
«Ցավոք, Միացյալ Նահանգները մի շարք արևմտյան երկրների հետ միասին դրդեցին Ուկրաինային հրաժարվել միջուկային և այլ զենքերից», - ասել է նա:
Պոդոլյակը նման քաղաքականությունն անվանել է «սխալ»։
Նա նաև կարծիք է հայտնել, որ Եվրոպայում խաղաղության հասնելը հնարավոր է միայն Ուկրաինայի՝ ՆԱՏՕ-ին անդամակցելուց հետո։
Ավելի վաղ ԱՄՆ նախկին նախագահ Բիլ Քլինթոնը ափսոսանք էր հայտնել, որ 1994 թվականին ստիպել է Ուկրաինային հրաժարվել միջուկային զենքից։
