Ալեքսանդր Վոլկովին փոխարինելու է Ալեքսանդր Լենցովը. «Հրապարակ»
Ալեքսանդր Վոլկովին փոխարինելու է Ալեքսանդր Լենցովը` կոչումով գեներալ-գնդապետ։ Այս մասին գրում է «Հրապարակ»-ը:
«Նա 67 տարեկան է, Ռուսաստանի ցամաքային զորքերի գլխավոր հրամանատարի տեղակալն է եղել մինչեւ 2020 թվականը, մասնակցել է Սիրիայում ռազմական գործողություններին: Իսկ 2020-ին նշանակվել է ՌԴ պաշտպանության նախարար Սերգեյ Շոյգույի խորհրդական, Շոյգույի ամենավստահելի անձանցից է: Նա գալիս է տարածաշրջան, այսպես ասած, վիճակը կարգավորելու»։
Ավելի վաղ տեղեկություններ էին տարածվում, որ ռուսական իշխանությունները որոշել են հետ կանչել Արցախում ռուս խաղաղապահների հրամանատար Ալեքսանդր Վոլկովին։
