ՆԱՏՕ-ին Ուկրաինայի հնարավոր անդամակցության մասին հայտարարությունները շատ վտանգավոր են․ Զախարովա

Ուկրաինայի անդամակցության հնարավորության մասին Հյուսիսատլանտյան դաշինքի հայտարարությունները անհեռատես են և շատ վտանգավոր։ Այս մասին ուրբաթ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Յենս Ստոլտենբերգի այցը Կիև։ 

Նրա խոսքով՝ նման հեռանկարները կարող են հանգեցնել եվրոպական անվտանգության համակարգի վերջնական փլուզմանը։ 

«ՆԱՏՕ-ն իր առջեւ նպատակ է դնում հաղթել Ռուսաստանին Ուկրաինայում, և Կիևին մոտիվացնելու համար խոստանում է, որ հակամարտության ավարտից հետո երկիրը կարող է ընդունվել դաշինքի մեջ։ Նման հայտարարությունները անհեռատես են և պարզապես վտանգավոր»,- զգուշացրել է Զախարովան։

Հիշեցնենք, որ ավելի վաղ Ստոլտենբերգը Ուկրաինայի նախագահ Վլադիմիր Զելենսկու հետ հանդիպման ժամանակ ասել էր դաշինքի բոլոր անդամների ցանկության մասին Ուկրաինային իրենց շարքերն ընդունելու հարցում։