Ստամբուլում «պահուստային» քաղաքներ կկառուցենք․ Էրդողան
Թուրքիայի իշխանությունները նախատեսում են երկրի ամենախոշոր քաղաք Ստամբուլի եվրոպական և ասիական հատվածներում կառուցել «արբանյակային» կամ «պահուստային» քաղաքներ, որոնց ընդհանուր բնակչությունը պետք է կազմի 1 միլիոն մարդ։ Այս մասին պետական ասել է Թուրքիայի նախագահ Ռեջեփ Թայիփ Էրդողանը:
«Ստամբուլում կստեղծենք երկու առանձին քաղաք՝ ընդհանուր 1 միլիոն բնակչությամբ: Դրանք կկառուցվեն նրա երկու հատվածների ծայրամասերում՝ գործնականում արբանյակային քաղաքների մոդելով»,- ասել է Էրդողանը։
Նրա խոսքով՝ ծրագրի իրականացման համար անհրաժեշտ է 130 մլն քառակուսի մետր հողատարածք: Ըստ Էրդողանի՝ իշխանությունները ծրագրում են Ստամբուլի կենտրոնի երկրաշարժավտանգ շրջանների բնակիչներին վերաբնակեցնել «երկրաշարժերի ցածր վտանգ ունեցող ծայրամասերում»։
Թուրքիայի ղեկավարն ասել է, որ նախատեսվում է երկրի սեյսմիկ վտանգավոր այլ շրջաններում նույնպես ստեղծել «պահուստային» քաղաքներ։
