Հաագայում Մակրոնի ելույթն ընդհատվել է ակտիվիստների կողմից

Ֆրանսիայի նախագահ Էմանուել Մակրոնը Հաագայի Nexus ինստիտուտում ելույթի ժամանակ բախվել է ակտիվիստների բողոքին, հայտնում է BFMTV-ն։ Հեռուստաալիքի տվյալներով՝ Հինգերորդ Հանրապետության ղեկավարի ելույթը Եվրամիության ապագայի իր տեսլականի մասի ընդհատվել է հանդիսատեսի բղավոցների պատճառով։
 

Ինչպես նշվում է, ակտիվիստները  հարցրել են Մակրոնին, թե որտեղ է ֆրանսիական ժողովրդավարությունը, ինչու Ֆրանսիան չի պահպանում կլիմայի մասին կոնվենցիան և նախագահին ասել են, թե ոչ ոք իրեն չի լսի, քանի դեռ միլիոնավոր մարդիկ բողոքի ցույց են անում ֆրանսիական քաղաքների փողոցներում: 

Բղավելուց բացի, մի շարք ցուցարարներ նաև պաստառ են պարզել՝ «Բռնության և կեղծավորության նախագահ» մակագրությամբ։
 

BFMTV-ն ընդգծում է, որ ակցիայի ֆոնին Մակրոնը խոստացել է պատասխանել վիճելի բարեփոխումների, այդ թվում՝ կենսաթոշակային բարեփոխումների վերաբերյալ ցանկացած հարցի։ Ֆրանսիայի նախագահը հատուկ ուշադրություն է դարձրել այն փաստին, որ Հինգերորդ Հանրապետությունում կենսաթոշակային տարիքը նախատեսվում է բարձրացնել մինչև 64 տարեկան, մինչդեռ Նիդեռլանդներում այդ ցուցանիշն արդեն «շատ ավելի բարձր է»։