Թրամփը կոչ է արել ազատվել Ջո Բայդենից
ԱՄՆ նախկին նախագահ Դոնալդ Թրամփն առաջարկել է ազատվել պետության ներկայիս ղեկավար Ջո Բայդենից՝ երկրի բոլոր խնդիրները լուծելու համար։ Այս մասին նա ապրիլի 10-ին հայտարարել է Truth Social սոցիալական ցանցում։
«Չինաստանի խնդիրը և մեր բոլոր այլ խնդիրները լուծելու լավագույն և միակ ճանապարհը Բայդենից ազատվելն է»,- գրել է Թրամփը։
Նա նաև նշել է, որ Սպիտակ տան ներկայիս քաղաքականությամբ Միացյալ Նահանգները շուտով հայտնվելու է երրորդ համաշխարհային պատերազմի մեջ, որտեղ ստիպված է լինելու պայքարել առանց սպառազինության:
Թրամփը բազմիցս քննադատել է իր իրավահաջորդին՝ վերջինիս մեղադրելով Ուկրաինայում հակամարտություն թույլ տալու և ԱՄՆ-ի ու Ռուսաստանի միջև միջուկային առճակատման սպառնալիքի մեջ։
