ԱՄՆ-ը լրտեսել է Վլադիմիր Զելենսկիին. ինչ է հայտնի
ԱՄՆ-ը լրտեսել է նաեւ Վլադիմիր Զելենսկուն, հայտնում է CNN-ը՝ վկայակոչելով Պենտագոնի գաղտնի փաստաթղթերը, որոնք հրապարակվել են
համացանցում։
«Մեկ փաստաթուղթը բացահայտում է, որ Միացյալ Նահանգները լրտեսել է Զելենսկիին»,- ասվում է հեռուստաալիքի հայտարարության մեջ։
Ինչպես հայտնում է CNN-ը, Զելենսկիին մոտ կանգնած աղբյուրը չի զարմացել այս իրավիճակից և այն անվանել է «սպասված»։ Հեռուստաալիքի տվյալներով՝ էլեկտրոնային հետախուզության տվյալների վրա հիմնված ԱՄՆ հետախուզության զեկույցում ասվում է, որ Զելենսկին փետրվարի վերջին «առաջարկել է հարվածել Ռոստովի մարզում ռուսական զորքերի տեղակայման վայրերին»՝ օգտագործելով անօդաչու թռչող սարքեր, քանի որ Ուկրաինան չունի հեռահար զինատեսակներ, որոնք ունակ են հասնել նման տարածքների:
Ամերիկյան լրատվամիջոցներն անցյալ շաբաթ սոցցանցերում հարյուրից ավելի գաղտնի փաստաթղթեր են հայտնաբերել։ Դրանցից մի քանիսը վերաբերում են ԱՄՆ-ի և դաշնակիցների կողմից Ուկրաինային տրամադրվող ռազմական օգնությանը և Կիևի հակահարձակման նախապատրաստմանը: Մյուսները տեղեկություններ են պարունակում Մերձավոր Արևելքի և Չինաստանի, ինչպես նաև գործընկերների հսկողության վերաբերյալ: Տեղի ունեցածը կոչվում է Էդվարդ Սնոուդենից հետո գաղտնիքների ամենամեծ արտահոսքը։
