ՏԵՍԱՆՅՈՒԹ․ Փարիզը կրակի և ծխի մեջ է․ բողոքի ցույցեր՝ Ֆրանսիայում
Ավելի քան 55 հազար մարդ հինգշաբթի Փարիզում դուրս է եկել ցույցի՝ ընդդեմ կենսաթոշակային բարեփոխումների, հաղորդում է BFMTV-ն՝ վկայակոչելով ոստիկանության պրեֆեկտուրան, գրում է РИА Новости-ն։
«Փարիզի ոստիկանության պրեֆեկտուրայի տվյալներով՝ հինգշաբթի Փարիզում տեղի ունեցած ցույցին մասնակցել է 57 հազար մարդ»,- հաղորդում է հեռուստաալիքը։
Նշվում է, որ մայրաքաղաքում ցուցարարների թիվը նվազել է նախորդ՝ մարտի 28-ի բողոքի ակցիայի համեմատ, երբ Փարիզի փողոցներ էին դուրս եկել 93 հազար ֆրանսիացիներ։ Մինչդեռ արհմիությունները պնդում են Փարիզում 400 հազար մարդու մասնակցության մասին։ Նախկինում արհմիությունները նախորդ համապետական դրսեւորման 450 հազար մասնակից էին հաշվում։
Ֆրանսիայի ներքին գործերի նախարարության տվյալներով՝ 570 հազար մարդ մասնակցել է ցույցերին ամբողջ երկրում, ինչը նույնպես ավելի քիչ է, քան նախորդ անգամ, երբ 740 հազարը բողոքի ակցիաներ էին կազմակերպել:
