«Ամենազարմանալին այն է, թե ով ում է ցիտում, իսկ թե ինչու, ինձ նույնիսկ հետաքրքիր էլ չէ». Աշոտ Փաշինյան
Նիկոլ Փաշինյանի որդին՝ Աշոտ Փաշինյանը, հայտարարություն է տարածել, որով տեղեկացնում է, թե իր հանդեպ որևէ քաղաքական կամ այլ բնույթի հարձակում տեղի չի ունեցել:
«Ամենազարմանալին այն է, թե ով ում է ցիտում: Իսկ թե ինչու, ինձ նույնիսկ հետաքրքիր էլ չէ»,- գրել է Աշոտ Փաշինյանը։
«Հրապարակը» գրում է, որ Փաշինյանի որդու վրա հարձակման մասին, մինչև Սիմոնյանի հայտարարությունը, հնչել է միայն «Հանրային ձայն» յութուբյան հաղորդաշարի եթերում։
Հիշեցնենք՝ Ազգային ժողովի նախագահ Ալեն Սիմոնյանը ֆեյսբուքյան իր էջում գրել էր, որ հարձակման է ենթարկվել Աշոտ Փաշինյանը։ Սիմոնյանի խոսքով` դա կազմակերպված սադրանքների շարք է, որի հետքերը տանում են նաև մեր երկրի սահմաններից դուրս։ Նա վստահություն էր հայտնել, որ արարքի իրավական և քաղաքական արձագանքը չի ուշանալու։
Այդ գրառումը Ալեն Սիմոնյանը հեռացրել է իր ֆեյսբուքյան էջից:
