Զելենսկին անդրադարձել է Տատարսկու սպանությանը
Ռուսաստանը պետք է մտածի Սանկտ Պետերբուրգի սրճարանում տեղի ունեցած պայթյունի և քարոզիչ Վլադլեն Տատարսկու մահվան մասին, այս մասին լրագրողների հետ զրույցում ասել է Ուկրաինայի նախագահ Վլադիմիր Զելենսկին: Տեղեկությունը հայտնում է РБК-Украина-ն:
«Ես չեմ մտածում այն մասին, թե ինչ է կատարվում Սանկտ Պետերբուրգում կամ Մոսկվայում, Ռուսաստանը պետք է մտածի այդ մասին, ես մտածում եմ մեր երկրի մասին»,- նշել է նա:
Հիշեցնենք՝ ըստ Ռուսաստանի հատուկ ծառայությունների, սպանությունը կազմակերպել են Ուկրաինայի իշխանությունները:
