Ուկրաինայի զինված ուժերի առաջիկա հարձակումը պետք չէ ընկալել որպես «վճռական ճակատամարտ». Կուլեբա
Ուկրաինայի արտաքին գործերի նախարար Դմիտրի Կուլեբան կոչ է արել Ուկրաինայի զինված ուժերի առաջիկա հարձակումը չընկալել որպես պատերազմի «վճռական ճակատամարտ»։ Այս մասին նա ասել է Financial Times-ին տված հարցազրույցում։
Նրա խոսքով, «վճռական պահի» նարատիվը վտանգավոր է Ուկրաինայի համար:
«Պետք է դիմակայել հակահարձակման՝ որպես վճռական ճակատամարտի ընկալմանը, եթե դա դիտարկվում է որպես այդպիսին, բայց չի հանգեցնում մեր տարածքի ամբողջական ազատագրմանը, ապա ոմանք կարող են ասել, որ հիմա պետք է այլընտրանքային սցենար դիտարկել: Մեզ համար այլընտրանք չկա»,- ասաց նախարարը։
Կուլեբան ասաց, որ արևմտյան կառավարություններում ձայների փոքրամասնությունը կարող է սկսել ռազմական օգնության դանդաղեցման և հրադադարի պահանջները:
