«Չինաստանի բանակը պետք է լիովին պատրաստ լինի հնարավոր լայնածավալ պատերազմին». Սի Ծինփին

Չինաստանի ժողովրդական ազատագրական բանակը և չին ժողովուրդը պետք է լիովին պատրաստ լինեն հնարավոր լայնածավալ պատերազմին։ Այս մասին խորհրդարանի տարեկան նիստում հայտարարել է Չինաստանի նախագահ Սի Ծինփինը, հայտնում է Foreign Affairs ամսագիրը։ Տեղեկատվությունը փոխանցում է lenta.ru-ն:

Հեղինակները ուշադրություն են հրավիրել հանդիպումների ժամանակ նախագահի չորս ելույթների բովանդակության վրա, որոնցում նա հայտարարել է, որ նա «Չինաստանին պատրաստում է պատերազմի»՝ միաժամանակ կոչ անելով գեներալներին «չվախենալ կռվելուց և դժվար որոշումներ կայացնելուց»:

«Մենք պետք է խոսենք մեր թշնամիների հետ իրենց հասկանալի լեզվով և օգտագործենք հաղթանակը խաղաղություն և հարգանք նվաճելու համար», - նշել է Սի Ծինփինը:

Հաղորդվում է, որ Սին 2022 թվականի դեկտեմբերից Չինաստանում բացել է նոր զինկոմիսարիատներ և հավաքակայաններ, որպեսզի Պեկինը կարողանա «ակտիվացնել իր պահեստային ուժերը և ինստիտուցիոնալացնել համակարգ՝ պատերազմի դեպքում մարտական ​​ստորաբաժանումների համալրման համար»: