Թուրքիայի նախագահի թեկնածու Փերինչեքը խոստացել է երկիրը դուրս բերել ՆԱՏՕ-ից

Թուրք քաղաքական գործիչ Դողու Փերինչեքը, ով հավակնում է լինել երկրի նախագահ, խոստացել է ընտրություններում հաղթելու դեպքում Թուրքիային դուրս բերել Հյուսիսատլանտյան դաշինքից։

«ՆԱՏՕ-ից դուրս գալու մեր կուսակցության որոշումը և դրա հիմնավորումը շատ ծանրակշիռ են։ Հարցումների համաձայն՝ Թուրքիայի բնակիչների 80%-ն այժմ սպառնալիք է համարում Ամերիկայի Միացյալ Նահանգներին, թուրք ժողովրդի 70%-ը Ռուսաստանին և Չինաստանին բարեկամներ է համարում»,- Փերինչեքի խոսքերն է մեջբերում РИА Новости-ն։

Դողու Փերինչեքը գլխավորում է Թուրքիայում «Հայրենիք» կուսակցությունը։ 

Հիշեցնենք, որ Թուրքիայում նախագահական ընտրությունները տեղի կունենան 2023 թվականի մայիսի 14-ին։ Քաղաքական գործչի կարծիքով՝ անհրաժեշտ է դուրս գալ ՆԱՏՕ-ից, քանի որ հենց ՆԱՏՕ-ն է ամենալուրջ վտանգը ներկայացնում Թուրքիայի համար ներկա պահին։