Չէր կարող ավելի վատ լինել․ Իլոն Մասկը՝ ամերիկյան բանկային համակարգի մասին
Ամերիկացի մեծահարուստ Իլոն Մասկը նկարագրել է ԱՄՆ բանկային համակարգի վիճակը «չէր կարող ավելի վատ լինել» բառերով։ Այսպիսով, գործարարը մեկնաբանել է Դաշնային պահուստային համակարգի հայտարարությունը երկրում այս համակարգի հուսալիության մասին։
Մասնավորապես, կարգավորող մարմնի ղեկավար Ջերոմ Փաուելը հայտարարել է, որ Silicon Valley Bank-ի սնանկության պատճառ է դարձել ընկերության՝ ռիսկերը ճիշտ կառավարելու անկարողությունը։
Վարկային ընկերությունը սնանկացավ ընդամենը երկու օրում։ Սա ԱՄՆ-ի ամենամեծ սնանկությունն էր 2008 թվականի ֆինանսական ճգնաժամից ի վեր։
Դրանից հետո ԱՄՆ-ում փակվեց նաեւ «Signature Bank»-ը՝ համակարգային ռիսկերի պատճառով։
Լոուրենս Մակդոնալդը, Lehman Brothers ֆինանսական կորպորացիայի փոխնախագահը, ասում է, որ ԱՄՆ-ի ռեցեսիան անխուսափելի է: Նրա խոսքով, առաջիկա մեկ-երկու ամսում կարելի է սպասել տնտեսական ակտիվության ու ՀՆԱ-ի կտրուկ անկման, աշխատատեղերի կորստի։
