ՏԵՍԱՆՅՈՒԹ. Լավրովը «Լեռնային» բառը չէր օգտագործում, տպավորություն էր, որ Ալիևն է խոսում. Խաչատրյան

Խաղաղության պայմանագրի տեքստը այնպիսին կլինի, որը չի խաթարի ՀՀ-ի և իր քաղաքացիների շահերը: Այս մասին լրագրողների հետ զրույցում ասաց ՔՊ խմբակցության պատգամավոր Վիգեն Խաչատրյանը:

Լրագրողի դիտարկմանը` ընդդիմությունն ասում է, որ պետք է բանակցող փոխվի, Խաչատրյանը նշեց.

«Նրանք էդ պահանջը դրեցին, Նիկոլ Փաշինյանը հրաժարական տվեց, հայտարարվեցին արտահերթ ընտրություններ, որում ժողովուրդը պիտի որոշեր` պատերազմի մեղավորն ով է, ով իրավունք չունի բանակցի և բերեցին նոր իշխանություն: Ժողովուդը որոշեց, որ չպիտի բանակցեն Սերժ Սարգսյանն ու Ռոբերտ Քոչարյանը, նրանց մերժեցին և ընտրեցին Նիկոլ Փաշինյանին:

Որոշումը կայացրել է ժողովուրդը: Եթե իրենք ուզում են արտահերթ ընտրություններ, գտնում են, որ իրավիճակը փոխվել է, կարող են նորից պահանջել արտահերթ ընտրություններ»:

Վիգեն Խաչատրյանը, խոսելով ընդդիմության մասին, նշեց, որ պետք չէ միմյանց գնահատականներ տալ, պետք է լուծումներ առաջարկել:

«Օրինակ, ընդդիմությունը մեզ մեղադրում էր, որ մենք Ռուսաստանի հետ սխալ քաղաքականություն ենք վարում: Հիմա Ռուսաստանը քարտերը բացեց: Արարատ Միրզոյանի հետ հանդիպմանը Լավրովը ներկայացրեց Ռուսաստանի պատկերացումները Լեռնային Ղարաբաղի ապագայի վերաբերյալ: Իմիջայլոց, Լավրովը «Լեռնային» բառը չէր օգտագործում, տպավորություն էր, որ Ալիևն է խոսում: Հիմա ադեկվա՞տ է ընդդիմության արձագանքը Լավրովի պահվածքին»:

Մանրամասները` տեսանյութում: