ՏԵՍԱՆՅՈՒԹ․ Ինչու՞ թուրքերը մեր նկատմամբ նույնքան մարդասեր չէին․ լրագրողները՝ պատգամավորներին
Այսօր ԱԺ-ում լրագրողները ՔՊ-ական պատգամավորից հետաքրքրվեցին՝ ինչու՞ թուրքերը մեր նկատմամբ նույնքան մարդասեր չէին և որքանո՞վ է արդարացված Թուրքիա փրկարարական ջոկատ ուղարկելու որոշումը։
Պատգամավորները հիմնականում խուսափում էին այս հարցին պատասխանել և շտապում էին նիստերի դահլիճ։ Հովիկ Աղազարյանը լրագրողի հարցին՝ «որքանո՞վ է արդարացված Հայաստանի կողմից Թուրքիա փրկարարներ ուղարկելը՝ աջակցելու երկրաշարժի հետևանքով տուժած շրջաններում իրականացվող որոնողափրկարարական աշխատանքներին», արձագանքեց, որ ինքը նույնիսկ անհարմար կզգա այդ հարցին պատասխանել:
Դիտարկումից հետո՝ «իսկ անհարմար չե՞ք զգում, որ ձեր իշխանությունը թուրքերին օգնելու համար մարդ է ուղարկում», Աղազարյանը վրդովվեց. «Ձենդ կտրի´, թող խոսամ, պատերազմի ժամանակ, երբ թշնամին գերի է ընկնում քո մոտ և վիրավոր ա, դու պարտավոր ես բուժել, մենք պատերազմական իրողությունների մեջ ենք»,- ասաց նա: |
