Մակրոնն ազնիվ չէ. Էրդողան
Թուրքիայի նախագահ Ռեջեփ Թայիփ Էրդողանը, խոսելով Ֆրանսիայի հետ ունեցած հարաբերությունների մասին, ասել է, որ Ֆրանսիայի նախագահ Էմանուել Մակրոնը չունի պետության ղեկավարի որակավորում։
«Իրականում այն մարդը, որը ղեկավարում է Ֆրանսիան, չունի այդ պետության ղեկավար լինելու որակավորում։ Տեսեք` նրանք այժմ շահագործում են աֆրիկյան երկրները: Բուրկինա Ֆասոն ժամկետ է ներկայացրել` մեկ ամսից մենք չենք ուզում այստեղ ֆրանսիացի զինվոր տեսնել», գրում է «Star» թերթը։
Թուրքիայի նախագահը նաև նշել է, որ Մակրոնն ազնիվ չէ։
«Ես անկեղծ եմ ասում, այն ամենը, ինչի մասին հիմա խոսում ենք, կհասնի այնտեղ։ Բայց նա ազնիվ չէ, իսկ մենք ուզում ենք, որ միջազգային քաղաքականությունը կառուցվի ազնվության վրա։ Որտեղ չկա ազնվություն, չկա վստահություն: Իհարկե, աշխարհում կան շատ նման առաջնորդներ։ Ցավոք, նրանք Թուրքիային անտեսում են Միջերկրական ծովում Հունաստանի հետ հարաբերություններում եւ նրա հետ տարբեր հարաբերությունների մեջ են մտնում։ Ես տարբեր արտահայտություններ եմ ասել նրան, որոնք չեմ բարձրաձայնի»,– նշել է Էրդողանը։
