ԵՄ երկրների պահեստներում ճգնաժամային իրավիճակ է CoViD-19-ի դեմ պատվաստանյութերի ավելցուկի պատճառով. Այս կապակցությամբ Եվրահանձնաժողովին կոչ է արվել կապ հաստատել դեղագործական ընկերությունների հետ՝ չեղարկելու 2020 թվականին կատարված որոշ նախնական պատվերներ։ Այս մասին հայտնել է ԵՄ խորհրդում նախագահող Չեխիայի առողջապահության նախարար և փոխվարչապետ Վլաստիմիլ Վալեկը, գրում է Life.ru-ն։
 

«ԵՄ երկրները խնդրել են Եվրահանձնաժողովին կապ հաստատել արտադրողների հետ և խնդրել նրանց չեղարկել նախնական պատվերի մի մասը, որը կատարվել է այն ժամանակ, երբ աշխարհն իրականում կանգ էր առել: Ես հավատում եմ, որ մենք կարող ենք առաջընթաց գրանցել և արտադրողների հետ պայմանավորվել մեր պայմանագրերը նվազեցնելու վերաբերյա», - ասել է նա Բրյուսելում Առողջապահության նախարարների մակարդակով ԵՄ խորհրդի նիստին հաջորդած մամուլի ասուլիսի ժամանակ։

Իսկ ավելի վաղ Շվեդիայի Լինկյոփինգ համալսարանի գիտնականները եկել էին եզրահանգման, որ SARS-CoV-2 կորոնավիրուսը կարող է արթնացնել վիրուսներ, որոնք քնած են մարմնի բջիջներում նախորդ վարակից հետո։ Ավելին, նշվում էր, որ քրոնիկ հոգնածության համախտանիշով մարդիկ առաջինն են հարձակման ենթարկվում։