Հարավային Կորեան նախազգուշական կրակոցներ է արձակել հյուսիսկորեական նավի ուղղությամբ. Reuters
Հարավային Կորեան մի քանի նախազգուշական կրակոց է արձակել հյուսիսկորեական նավի վրա, որը հատել է ծովային սահմանազատման գիծը, գրում է Reuters-ը։
Կորեայի Հանրապետության տվյալներով՝ երկուշաբթի ԿԺԴՀ դրոշը կրող նավը հատել է պետությունների միջև ծովային սահմանը։ Life Shot-ը գրում է, որ ի պատասխան՝ ԿԺԴՀ-ն կրակ է բացել համազարկային կրակի ռեակտիվ համակարգերով:
Հիշեցնենք, որ սեպտեմբերի վերջից Հյուսիսային Կորեան մշտապես հրթիռային փորձարկումներ է իրականացնում։ Մասնավորապես, մի շարք հրթիռային փորձարկումներ են իրականացվել Հարավային Կորեայի դեմ միջուկային հարվածների մոդելավորման համար։
Սեպտեմբերին Հյուսիսային Կորեան հաստատել է միջուկային նոր դոկտրինը։ Օրենքը Հյուսիսային Կորեան հռչակում է միջուկային պետություն և ամրագրում է իրեն պաշտպանելու համար կանխարգելիչ միջուկային հարվածներ հասցնելու իրավունքը:
