Պատժվե՞լ են արդյոք Արցախի խաղաղ բնակիչներին սպանած հանցագործները. Ադրբեջանի ձեռագրի մասին

Երբ Ադրբեջանի արտաքին գործերի նախարարությունը երկերեսանիորեն հայտարարում է, թե պատերազմական հանցագործությունների մեղավոր ադրբեջանցիները կպատժվեն, հարց է առաջանում՝ պատժվե՞լ են արդյոք 2020 թվականի ագրեսիայի ժամանակ Արցախի խաղաղ բնակիչներին սպանած հանցագործները։ Պատժվե՞լ են, թե՞ հերոսացվել են նրանք, ովքեր մեղավոր են եղել հայ զինծառայողների դեմ ռազմական հանցագործությունների մեջ: Գրում է KarabakhRecords-ը:

Այս հարցում ամենակարեւորն այն է, որ ռազմական հանցագործությունները տեղի չեն ունենում պատահական կամ ադրբեջանցի որոշ զինծառայողների սեփական որոշմամբ: Դա Բաքվի նպատակաուղղված  քաղաքականության արդյունքն է: Եվ այդ քաղաքականությունը ոչ միայն չի թուլանում, այլեւ շարունակվում է ամբողջ թափով, ինչի վկայությունն են մարդկության դեմ սեպտեմբերյան հանցագործությունները, ադրբեջանական դպրոցներում հակահայկական քարոզչությունը, Ադրբեջանի նախագահի և այլ պաշտոնյաների ագրեսիվ հայտարարությունները։

Վերոնշյալը ևս մեկ անգամ հաստատում է, որ Ադրբեջանը խաղաղություն չի ուզում, պատրաստ չէ դրան, և որ հայերի և ադրբեջանցիների գոյակցությունը անհնարին է: Ադրբեջանի նման քաղաքականությունը հանգեցնում է միայն նոր պատերազմի։