Ղրիմի կամրջի պայթյունի գործով 5 կասկածյալ կալանվորվել է
Ղրիմի կամրջի վրա տեղի ունեցած ահաբեկչության գործով հինգ կասկածյալների նկատմամբ փոխվել է խափանման միջոցը՝ դատարանը նրանց կալանավորելու որոշում է կայացրել: Այդ մասին ուրբաթ հաղորդել Է «Ինտերֆաքս»-ը՝ վկայակոչելով իրազեկ աղբյուրների: Որոշումը կայացրել է Սիմֆերոպոլի Կիևի շրջանի դատարանը։
Գործակալությունից հայտնել են, որ կասկածյալները կալանքի տակ կլինեն մինչև դեկտեմբերի 8-ը։
Ավելի վաղ ՌԴ Քննչական կոմիտեի ղեկավար Ալեքսանդր Բաստրիկինը հայտնել էր, որ Ղրիմի կամրջի վրա պայթյունի մասնակից 12 անձի ինքնությունը պարզվել է։ Հետաքննության տվյալներով՝ դրանք բոլորն ուղղակիորեն կապված են ահաբեկչության կատարման հետ։
