Պորտուգալիան Ուկրաինային ռուսական արտադրության ուղղաթիռներ կհատկացնի
Պորտուգալիայի կառավարությունը որոշում է կայացրել Ուկրաինային ուղարկել 6 հրշեջ ուղղաթիռ, որոնք մշակվել են «Կամով» կոնստրուկտորական բյուրոյի կողմից, գրում է ТАССը:
Նման հայտարարության հանդես է եկել Պորտուգալիայի պաշտպանության նախարար Ելենա Կարեյրասը։
«Ուկրաինայի խնդրանքով և (Պորտուգալիայի) ՆԳՆ-ի հետ միասին մենք Ուկրաինային կտրամադրենք «Կամով» ուղղաթիռների մեր պարկը, որը ներկայիս սցենարով, Ռուսաստանի դեմ կիրառվող պատժամիջոցներով մենք այլևս չենք կարող շահագործել: Իրականում դրանք չունեն թռիչքային պիտանիության վկայականներ, և մենք նույնիսկ չենք կարող դրանք վերանորոգել»,- գերատեսչության ղեկավարի խոսքերն է մեջբերում Diario de noticias-ը։
Ինչպես հավելել է նախարարը, «վեց ուղղաթիռ վերանորոգման կարիք ունի, որոնցից մեկը ենթակա չէ շահագործման»։ Միաժամանակ նա վստահեցրել է, որ ուկրաինական կողմը գիտի, թե ինչ վիճակում են մեքենաները։
