Իսպանիան Ուկրաինային կփոխանցի Hawk հակաօդային պաշտպանության համակարգեր. Ստոլտենբերգ
Իսպանիայի իշխանությունները մտադիր են Ուկրաինային փոխանցել իրենց չորս հակաօդային պաշտպանության Hawk համակարգերը։ Հոկտեմբերի 13-ին նման հայտարարություն է արել ՆԱՏՕ-ի գլխավոր քարտուղար Յենս Ստոլտենբերգը դաշինքի պաշտպանության նախարարների հանդիպումից հետո կայացած ճեպազրույցում։
«Ես ողջունում եմ Իսպանիայի հայտարարությունը չորս Hawk արձակման կայան ուղարկելու մասին՝ Ուկրաինայի հակաօդային պաշտպանությունը ուժեղացնելու համար»,- ասել է նա։
Այս օգնությունը կլինի ի լրումն հրետանու, հակաօդային պաշտպանության և զրահատեխնիկայի, որոնք ՆԱՏՕ-ի անդամներն արդեն ուղարկել են Կիև վերջին շաբաթներին։
